खोटाङ– जिल्लाको हलेसी तुवाचुङ नगरपालिका–२ मा सामुदायिक वनमा लागेको डढेलो गाउँ पस्दा एक सामुदायिक विद्यालयसहित सात घर जलेर नष्ट भएका छन् ।
बाल्छीखोला सामुदायिक वनमा लागेको डढेलो हावाका कारण बस्तीमा प्रवेश गर्दा छुम्पाङ, बाघखोर, च्यानटार, पाँचभैयाटार र लाङमाका सात घर जलेर नष्ट भएको प्रहरीले जनाएको छ । डढेलोले बालकन्या आधारभूत विद्यालयमा समेत क्षति पुगेको स्थानीयवासी घनश्याम राईले जानकारी दिनुभयो ।
डढेलो गाउँ पसेपछि सुरक्षाकर्मी र स्थानीयवासी निभाउन खटिएका थिए । प्रहरीका अनुसार कक्षा–५ सम्म पढाइ हुने विद्यालयको काठबाट बनाइएको दुई कोठे भवन जलेको हो । दाम्लीको नबेल्खा जङ्गलमा लागेको डढेलो फैलिएको हो ।
