सोलुखुम्बुः नेपाल कम्युनिष्ट पार्टी (माओवादी केन्द्र) माप्य दुधकोशी गाउँपालिका(४ काकुको वडा सम्मेलनबाट पुनः बिशन राईको अध्यक्षतामा २९ सदस्य नयाँ वडा समिति निर्वाचित गरेको छ । प्रदेश सचिवालय सदस्य एवम् जिल्ला सह(इन्चार्ज, थुलुङ दुधकोशी गाउँपालिका प्रमुख असिम राईको प्रमुख आतिथ्यतामा सम्पन्न उक्त सम्मेलनबाट बिशन दोस्रो कार्यकालका लागि सर्वसम्मत निर्वाचित भएको माओवादी केन्द्र सोलुखुम्बुले जनाएको छ ।
माओवादी केन्द्र सोलुखुम्बुका प्रचारप्रशार विभाग प्रमुख भोजराज कार्कीका अनुसार उपाध्यक्षमा मदन राई र पुर्ण राई निर्वाचित भएका छन् भने मेरोना राई सचिव र कोषाध्यक्षमा कुन्जु माया राई निर्वाचित भएका छन् । सोही सम्मेलबाट जोरबीर राईको संयोजकत्वमा १५ सदस्य अखिल नेपाल किसान महासंघ ९क्रान्तिकारी केन्द्र० वडा नम्बर ४, उमेश राईको संयोजकत्वमा २९ सदस्य वाइसीएल नेपाल समेत गठन गरिएको छ ।
माओवादी केन्द्रले सोलुखुम्बुको विभिन्न पालिकाको वडा सम्मेलनलाई तिब्रता दिएको छ। नयाँ नेतृत्व समेत चयन गर्ने वडा सम्मेलन पश्चात पालिका सम्मेलन गर्ने माओवादीको कार्यतालिका छ । आठ वटै स्थानीय तहमा पार्टीको बैठक सम्पन्न गरि कार्ययोजना सहित वडा सम्मेलनमा जुटेको माओवादीले मंसिर ३० गते थुलुङ दुधकोशी गाउँपालिकाको सबै वडाको सम्मेलन सम्पन्न गरिसकेको छ ।
यस्तै थुलुङ दुधकोशी, नेचासल्यान र सोलुदुधकुण्ड नगरपालिकाको काठमान्डौ सम्पर्क मञ्चको समेत सम्मेलन सम्पन्न गरिसकेको माओवादी केन्द्र सोलुखुम्बुले जनाएको छ ।
थुलुङ दुधकोशी सम्पर्क मञ्चको अध्यक्षमा शिवकुमार राई, नेचासल्यान सम्पर्क मञ्चको अध्यक्षमा रबिन भट्टराई र सोलुदुधकुण्ड नगरपालिका सम्पर्क मञ्चको अध्यक्षमा पेम्बा ग्याल्जेन शेर्पा निर्वाचित हुनुभएको माओवादी केन्द्र सोलुखुम्बुका प्रचारप्रसार विभाग प्रमुख कार्कीले जानकारी दिनुभयो ।
