सोलुखुम्बु- ओखलढुंगाको सिध्दिचरण राजमार्ग अन्तर्गत मानेभञ्ज्याङ गाउँपालिका ७ को हिलेपानी नजिक गुडिरहेको एउटा सुमोमा आगो लागेको छ । प्रहरीका अनुसार सुमोको इन्जिन तातिएका कारण वाइरिङ तार सर्ट भएर आगो लागेको हो ।
आज शुक्रबार दिउँसो १ बजेको समयमा काठमाडौँबाट सोलुखुम्बु आउँदै गरेको ना१ज ८८८२ नम्बरको सुमोमा आगोलागेको हो । सुमो जलेर पूर्णरुपमा क्षति भएको छ । यद्यपि मानवीय क्षति भने नभएको प्रहरीले जनाएको छ ।
घटनाबारे जानकारी हुनासाथ प्रहरी चौकी हर्कपुरबाट प्रहरी टोली घटनास्थलमा पुगेको थियो ।
